Кыргызстанда АНО “Евразия” тарабынан белекке берилген мектеп автобустары каттай баштады

АНО “Евразия” тарабынан мектеп автобусун тапшыруу аземи Ленин айылынын В.И. Ленин атындагы орто мектебинде да өттү.

Мектеп автобусунун ачкычын “Евразия. Кыргызстан” Коомдук Фондунун директору Кымбат Урумкулова тапшырды. Ал белгилегендей, бул автобустар Кара-Кыргыз автоном облусунун 100 жылдыгына карата АНО “Евразия” тарабынан берилген баалуу белектин бир бөлүгү болуп саналат.

“Маданий-гуманитардык кызматташтык долбоорунун алкагында АНО "Евразия" Кыргызстандын мектептерине 100 автобус тапшырды. Бул транспорт каражаттары заманбап коопсуздук стандарттарына ылайык жабдылган жана ар бири 18-20 жүргүнчүгө ылайыкталган. Биздин ишенимибизде, мындай жардам балдардын билим алуусун гана эмес, спорт, туризм, илим жана маданият сыяктуу тармактарда өнүгүшүн да колдойт”, — деп билдирди Кымбат Урумкулова.

Достук айыл өкмөтүнүн башчысы Гүлкайыр Ниязова АНО "Евразияга" мындай белек үчүн ыраазычылык билдирди. Ал белгилегендей, В.И. Ленин атындагы мектепте 2000ден ашуун бала билим алат жана алардын көпчүлүгү алыскы аймактардан келип окушат.

"Кээ бир балдарга мектепке жетүү өтө кыйынга турат, айрыкча кышында суук аба ырайы учурунда бул чоң көйгөй жаралат. Мындай шарттарда окуучулар менен алардын ата-энелерин жолдун узактыгы гана эмес, коопсуздук маселеси да түйшөлтөт. Эми жаңы автобус атайын графикке ылайык каттап, күнүмдүк каттамдар үчүн ыңгайлуу жана коопсуз транспортту камсыздайт", — деди Гүлкайыр Ниязова.

 Сентябр айынын башында АНО "Евразия" менен Кыргыз Республикасы кызматташуу боюнча макулдашууга кол коюшкан. Анын алкагында Кыргыз Республикасы салттуу баалуулуктар платформасына кошулган. "Евразиялык лицей" программасынын алкагында уюм Кыргызстандын мектептерине 100 заманбап коопсуздук стандарттары менен жабдылган автобустарды тапшырды. Алыскы аймактардан келген балдар өз окуу жайларына ыңгайлуу шартта жетүү мүмкүнчүлүгүнө ээ болушту. Мындан сырткары, АНО "Евразия" Бишкек менен Кызыл-Кыяда мектептерди куруп, оңдоп-түзөө иштерин жүргүзүп, Раззаков шаарындагы Борбордук стадионду жана спорт залын бүткөрүп берүүнү пландап жатат.

Биз жөнүндө:

АНО "Евразия" — улуттар аралык байланыштарды өнүктүрүүгө багытталган социалдык долбоорлорду ишке ашырган автономдуу коммерциялык эмес уюм. Уюмдун негизги максаттарынын бири — мектеп окуучулары, студенттер жана жаш адистер үчүн билим берүү жана кесиптик демилгелерди колдоо. Ишке ашырылган долбоорлордун катарында билим берүү программалары, эл аралык алмашуу, алдынкы мамлекеттик жана жеке ишканаларда тажрыйба алмашуу, ошондой эле медиамектеп бар.