“КММАнын медициналык борборундагы стоматологияда 3 жашар кыздын өлүмүнө байланыштуу кылмыш ишин тергөө көзөмөлгө алынсын”, — деп билдирди Жогорку Кеңештин бүгүнкү жыйынында депутат Камила Талиева.

Эл өкүлү анестезиолог Айнура Т.га коюлуп жаткан айыпты сынга алды.

“Конституцияда “бала — эң зор байлык” деп жазылып турат. Кыздын ата-энеси митингге чыгып, дарыгерлерди жазалоону талап кылып жатышат. Эч бир эне баласын жоготуп ыйлабасын. Кечээ сот дарыгерди үй камагына чыгарыптыр, ага "өтө эмес кылмыш"  беренеси менен айып тагылыптыр. Баланын өлүмү — оор эмес кылмышпы? Президенттен иштин жүрүшүн жеке көзөмөлгө алууну суранам”, — дейт  депутат.