Нурлан Конокбаев мамлекеттик цирктин директору болуп дайындалды

Нурлан Конокбаев А. Изибаев атындагы Кыргыз мамлекеттик циркинин директору болуп дайындалды. Бул тууралуу Президенттин Администрациясынын басма сөз кызматы кабарлады.

Бүгүн, 13-октябрда, мамлекет башчысы Садыр Жапаров жаңы директор менен жолугушту.

Буга чейин Асланайым Аширова мамлекеттик цирктин директору кызматын 2024-жылдын октябрь айынан бери аркалаган. Цирктин коллективи анын дайындалышына байланыштуу нааразычылык билдирип келгени да маалым.