Бишкекте жаңы автобустар эл ташый баштады
Бишкекте YUTONG үлгүсүндөгү жаңы автобустар каттамдарга чыгарыла баштады. Бул тууралуу бүгүн, 17-сентябрда борбор калаа мэриясы кабарлады.
Маалымдалгандай, узундугу 12 метр болгон YUTONG үлгүсүндөгү 95 жаңы автобус алып келинген. Учурда автобустар этап-этабы менен каттамдарга чыгарылууда.
Бул үлгүдөгү автобустар кондиционер менен жабдылган.
