Чу дарыясына түшүп кеткен жарандын сөөгү табылды
Күн мурун Чу дарыясына түшүп кеткен 35 жаштагы жарандын сөөгү табылды.
ӨКМден билдиришкендей, Чүй облусунун Аламүдүн районундагы Васильевка айылында 15-апрелде дарыяга 1990-жылы туулган М.А. аттуу эркек киши түшүп кеткен.
Ошол убактан бери издөө улантылып келген. Кечээ куткаруучулар тарабынан жүргүзүлгөн издөө иштеринин натыйжасында аталган жарандын сөөгү табылып, милиция кызматкерлерине өткөрүп берилди.
