Бишкекте 9-майда “Өлбөс полк” өтөт

Кыргызстанда 9-майда «Өлбөс полк» акциясы өтөт. Бул тууралуу «Өлбөс полк — Кыргызстан» кыймылынын Бишкектеги координатору Зульфира Хайбуллина брифингде билдирди.

Анын айтымында, жөө жүрүштү өткөрүү өткөн жуманын аягында кабыл алынган.

«Бүгүн абдан жакшы жаңылык, биз акыры 9-майда «Өлбөс полк» өтөөрүн баарына жарыялай алабыз», — деди Зульфира Хайбуллина.

Ал кортеж өлкөнүн бардык облустарын, шаарларын жана айылдарын аралай турганын ырастады. 

Бишкекте иш-чара адаттагыдай эле өтөт: Түштүк дарбазада 8.00; башталышы: 9.00; маршруту: Түштүк дарбазадан Байтик Баатыр көчөсү менен, андан ары Абдрахманов көчөсү менен, Фрунзе көчөсү менен Жеңиш аянтына чейин.