Буга чейин Армениянын премьер-министри Никол Пашинян КМШнын Бишкектеги саммитине “бир катар жагдайлардан улам” катыша албай турганын билдирген. Бишкекте азербайжан жана армян тараптарынын сүйлөшүүлөрү болушу мүмкүн деп күтүлгөн.

"Суроо туулат: Армения тынчтыкты каалайбы? Менин оюмча, эгер андай болсо, бул мүмкүнчүлүктөн баш тартмак эмес. Армениянын премьер-министри Гранадага 6 саат учуп, ал жерде түшүнүксүз жыйынга катышып жатат, ал жерде Азербайжан талкууланат. Азербайжансыз, бирок ал Бишкекке 2-3 саат уча албайт, анын маанилүү иштери бар”,-деди Илхам Алиев.