УКМК соцтармактын колдонуучусун бийликти басып алууга айыптап кармады

Threads социалдык тармагынын колдонуучусу бийликти күч менен басып алууга ачык чакырыктарды камтыган материалдарды тараткандыгы үчүн кармалды.

Кылмыш-жаза кодексинин 327-беренесинде («Маалыматтык-коммуникациялык тармактарды пайдалануу менен бийликти күч менен басып алууга ачык чакырыктар») каралган кылмыштын белгилери боюнча козголгон кылмыш ишин тергөөнүн алкагында, 1980-жылы туулган Кыргызстандын жараны А.А.М. кармалды.

Ал Threads’те мамлекеттик бийликти күч менен басып алууга ачык чакырыктарды камтыган билдирүүлөрдү такай жайгаштырып жана таратып келген.Коомдук тартиптин бузулушуна жана коомдук-саясий кырдаалдын туруксуздашына өбөлгө түзүшү мүмкүн болгон материалдарды тараткан.

УКМК билдиргендей, кармалган адам күнөөсүн мойнуна алган. Ал УКМКнын тергөө абагынын убактылуу кармоочу жайына киргизилди. Кылмыш иши боюнча тергөө амалдары улантылууда.