Бишкекте муздак суу жана канализация тарифтери көтөрүлөт

Бишкек мэриясы тиешелүү мыйзам долбоорун шаардык кеңештин кароосуна койду. Ага ылайык, суунун баасын 10,45 сомдон 15,73 сомго чейин, ал эми канализацияны 3,45 сомдон 6,80 сомго чейин көтөрүү сунушталууда.

Муниципалитет тарифтин көтөрүлүшүн шаардын суу менен камсыздоо тармактарынын начарлашы жана "Бишкекводоканал" ишканасынын чыгымдардын өсүшү жана суроо-талаптын жогорулашынан улам каржылык кыйынчылыктарга туш болушу менен түшүндүрдү. Мэрия ошондой эле учурдагы тариф чыныгы чыгымдарды жаппай турганын билдирди.