Бишкекке 95 жаңы автобус жана 42 атайын техника келди

«Бул коомдук транспортту жана шаардык кызматтарды жаңыртуудагы дагы бир маанилүү кадам. Бишкек мэриясынын ырааттуу ишинин алкагында шаарды өнүктүрүү, экологияны жакшыртуу жана тургундар үчүн ыңгайлуу шарттарды түзүү артыкчылыктуу бойдон калууда», - деди Адылбек Касымалиев. Ал кошумчалагандай, айлана-чөйрөнү жакшыртуу үчүн 17 000ден ашык дарак отургузулуп, жашыл аймактар кеңейтилген. Катуу калдыктарды кайра иштетүү жана электр энергиясын өндүрүү боюнча заманбап эко-технологиялык завод иштей баштады.