Кыргызстанда күйүүчү майдын баасы 1-1,5 сомго арзандады

Нефтетрейдерлер ассоциациясынын өкүлү Канат Эшатовдун айтымында, Кыргызстанда күйүүчү майдын баасы 1-1,5 сомго төмөндөдү. Ал Орусиянын мунай иштетүүчү заводдору жыл сайын декабрь айынын аягында күйүүчү майга сезондук арзандатууларды сунуштай турганын айтты.

"Быйыл декабрь айынын аягында күйүүчү майдын дүң баалары бир аз төмөндөдү. Натыйжада, айрым компаниялар келишимдерге кол коюп, белгилүү бир көлөмдөгү күйүүчү майларды сатып алышты. Бул жүктөр азыр Кыргызстанга келди, ал эми бир катар май куюучу жайларда баалар 1 сомго, же андан да көпкө төмөндөдү", - деп белгиледи ал. Эшатов жакында жаңы баалар белгиленерин, ошондуктан өлкөдөгү күйүүчү майдын келечектеги бааларынын тенденцияларын так алдын ала айтуу кыйын экенин кошумчалады.