Илон Маск дүйнөдө биринчи болуп байлыгы $700 млрддан ашкан адам болду

 Tesla компаниясынын башчысы Илон Масктын байлыгы $749 млрдга жетип, ал тарыхта биринчи жолу $700 млрддык чекти ашкан адам болду. Бул тууралуу Reuters Forbes миллиардерлер индексине таянып билдирди.

 Байлыктын кескин өсүшүнө Делавэр штатынын Жогорку сотунун чечими себеп болду. Сот Tesla акционерлери 2018-жылы бекиткен, баасы $139 млрд болгон акциялык опциондор Маскка мыйзамдуу түрдө таандык экенин ырастады.

 Буга чейин, 2024-жылдын январында төмөнкү инстанциядагы сот бул  ордун толтуруу топтомду жокко чыгарган. Бирок Жогорку сот бул чечим «адилетсиз жана мыйзамсыз» болгонун белгиледи.

 Forbes маалыматына ылайык, азыр Масктын байлыгы Google компаниясынын негиздөөчүсү Ларри Пейдждин капиталынан дээрлик $500 млрдга көп.

Мындан тышкары, ноябрь айында Tesla акционерлери Маск үчүн жаңы, $1 трлнга чейин жеткен сый акы планын жактырышкан. Бул сумма компания алдыдагы 10 жылда бир катар стратегиялык максаттарга жетсе гана берилет.