Кыргызстанда жаңы коммерциялык банк – "Берекет Банк" пайда болду. Бул тууралуу маалымат Улуттук банктын сайтында жарыяланды.

Финансылык жөнгө салуучу органдан билдиришкендей, бул өлкөдөгү 22-коммерциялык банк болду.

"Берекет Банк" ЖАКтын башкармалыгынын төрагасы болуп Жаркынбек Сагындыков дайындалды.

Анын банк тармагында олуттуу иш тажрыйбасы бар:

2024-жылдын июнь айында "Бай-Түшүм" банкы башкармалыгынын биринчи орун басары болуп дайындалган;

2024-жылдын сентябрь айында Улуттук банк анын "Бай-Түшүм" банкы башкармалыгынын башчысы кызмат ордуна талапкерлигин жактырган;

Буга чейин "КЫРГЫЗСТАН Коммерциялык банкы" ААК башкармалыгынын төрагасы кызматын аркалаган.

8-декабрда Кыргызстандын Улуттук банкы "Берекет Банк" ЖАКка улуттук жана (же) чет өлкөлүк валютада банктык операцияларды жүргүзүүгө уруксат бергенин билдирген.

Банкты түзүүгө уруксат берүү чечими Улуттук банк башкармалыгы тарабынан 2025-жылдын 10-октябрында кабыл алынган.