9-май күнү Жалал-Абад облусунун Сузак районунан келген бейтаптан күйдүргү жуктурганы аныкталды.  Бул тууралуу Бишкек шаарындагы Мамлекеттик санитардык-эпидемиологиялык көзөмөлдөө борборунан билдирди.

Иликтөөнүн жүрүшүндө айылдардын биринде мал союлуп, эти таратылганы белгилүү болгон. Мамлекеттик санитардык-эпидемиологиялык көзөмөлдөө борборунан азыркы тапта бир адамдан илдет аныкталганын билдиришти.

ЖМКлар бир нече адамдан күйдүргүнүн белгилери байкалганын жазышууда.

Сибирь жарасы — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.