423 миллион сом: “Бонецкий” лабораториясына ПЦР тесттерди кымбат жасаганы үчүн сом айып салынды

Монополияга каршы кызмат тарабынан лабораториялык изилдөө рыногунда Кыргыз Республикасынын “Атаандаштык жөнүндө” Мыйзамды бузгандыгы үчүн “Интелмед” ЖЧКнан (Бонецкий лабораториясы) 423 млн.сом өлчөмүндө республикалык бюджетке төлөтүү жөнүндө токтом кабыл алынды.

Кызмат тарабынан жүргүзүлгөн талдоого ылайык, “Интелмед” ЖЧКсы өзгөчө кырдаал убагында (Covid-19 пандемиясы) өзүнүн үстөмдүк абалынан пайдаланып, коронавирустук инфекцияны ПЧР-тестирлөө жүргүзүү кызматтарына монополиялык жогорку бааларды койгон.