Москвадагы террактта 82 адам каза болуп, 183 киши жаракат алды. Дагы тактоо иштери жүрүп жатат.
Москвадагы терактыда эки кыргызстандык жабыркады деген маалымат тастыкталган жок. Бул тууралуу Тышкы иштер министрлиги билдирди.
"Аткарылган иштердин жыйынтыгында жабыркагандардын алдын ала берилген тизмесиндеги Кыргызстандын эки жараны тууралуу маалымат такталган жок", — деп айтылат маалыматта.
Министрлик менен Кыргызстандын Москва шаарындагы элчилиги каргашалуу окуяда жабыркагандар тууралуу маалыматты тактоо иштерин улантууда.
Жума күнү, 22-мартта, аталган концерттик залда ок атылып, өрт чыкты. Алдын ала маалымат боюнча, кеминде камуфляжчан үч адам ок чыгарган.
ФСБ алдын ала маалымат боюнча 40 адам каза таап, 100дөн ашык адам жабыркаганын билдирди. Ал эми Россиянын ТИМи окуяны теракт деп атап, Тергөө комитети кылмыш ишин козгоду.
Соңку маалыматка караганда, Подмосковьедеги ооруканаларга жаракат алган 115 адам түшкөн. Россиянын Саламаттык сакто министрлиги алардын ичинен 60 адамдын абалы оор экенин билдирди.
Кыргызстандын элчилиги эки кыргызстандык жабыркаган деген маалыматты тактап жатканын кабарлады. Зарылдык жаралса Кыргызстандын атуулдары өкүлчүлүккө
+7 925 115 50 47 жана Тышкы иштер министрлигине
+996 999 312 002 номерлери аркылуу байланышса болот.
