Москва шаарындагы "Крокус Сити Холл" борборунда теракт уюштургандардын болжолдуу сүрөтү социалдык тармактарга тарады.

Андагы маалыматка ылайык, теракт уюштургандар "Крокус Ситиге" ак Рено үлгүсүндөгү унаа менен келип, унаадан эле ок чыгара башташкан. Алар ушул эле унаа менен из жашырышы мүмкүн.

Айрым маалыматтарга караганда, теракт уюштургандардын бири жаракат алган.

Кечээ, 22-марттаМоскванын түндүк-батышындагы Crocus City Hall концерттик залында теракт болгон. Алдын ала маалыматтарга караганда, камуфляж кийген кеминде үч адам ок чыгарып, кийин жарылуулар болуп, андан кийин өрт имараттын үстүнкү кабаттарын дээрлик толугу менен жок кылган. 60 киши каза болуп, жүздөн ашууну, анын ичинде балдар жарадар болгон.