Бишкек-Ош унаа жолунда оор жүк ташуучу унаалардын жүрүүсүнө коюлган чектөө алынды
"Арал" постунда оор жүк ташуучу автоунааларга саат 8:00 баштап чектөө алынды. Бул тууралуу Өзгөчө кырдаалдар министрлиги билдирди.
Учурда Бишкек-Ош автоунаа жолунда кырдаал туруктуу, жол ачык.
Эскерте кетсек, кечээ «Сосновка» жана "Арал" постунда оор жүк ташуучу автоунаалардын өтүүсүнө аба-ырайына байланыштуу чектөө киргизилген.
ӨКМ узак жолго чыккан айдоочулар "112" бирдиктүү номери аркылуу жолдогу акыркы кырдаал тууралуу маалымат алып, андан соң узак жолго чыгууну сунуштайт.
