Эттин баасы эмнеге кымбаттап жатат? Монополияга каршы кызматынын жообу

 Монополияга каршы кызматынын малга тоюттун кымбатташы жана той-мааракеге суроо-талаптын көбөйүшүнөн улам эттин баасы көтөрүлүп жатканы боюнча түшүндүрмө берди.

 2024-жылдын 7-августунан 5-сентябрына чейин жүргүзүлгөн мониторингге ылайык, Кыргызстанда козу этинин баасы 2,3% жана уй эти 5,3%га кымбаттады. Баанын көтөрүлүшүнө ички рынокто тартыштыкты жараткан кошуна мамлекеттерге малдын экспорттолушу, өзгөчө сентябрь айындагы той жана башка массалык иш-чаралар сыяктуу сезондук факторлор себеп болууда.