Айыл чарба министрти Эрлист Акунбеков ушу тапта жер, суу мафиялары менен алышып жатканын билдирди.

Эскерте кетсек, өкмөт мүчөсү УТРК каналында белгилүү блогер Ыдырыс Ысаков менен дебатка чыккан. Журналист буга чейин Айыл чарба министрлигинин ишин сындап келген.

Дебатта министр маселелер эмне үчүн чечилбей жатканына токтолуп, эмне көйгөй бар экенин бар экенин айтты.

"Айыл чарба жаатында 30 жылдан бери топтолуп калган көйгөйлөр бир күндө чечилбейт. Мисалы, суунун мафиясы бар. 30 жылдан бери мамлекеттен сууну 3 тыйындан алып, элге 15 тыйындан сатып жүргөн "Суу колдонуучулар ассоциациясы" деген бар болчу. Аны реформанын алкагында алдык. Мындан тышкары, жер мафиясы бар. Бир малы жок, бирок асыл тукум чарбасы бар, мамлекеттен 100 гектар жерди арендага алып туруп субарендага берип койгондор бар. Бир грамм үрөн чыгарбаган үрөн чарбалары бар... Муну баары системалуу көйгөйлөр. Биз 4-5 мафия менен алышып жатабыз", — деди министр.