Москвада 33 жаштагы кыргызстандык аял мыкаачылык менен өлтүрүлдү

Россия Федерациясынын Москва боюнча тергөө комитети 33 жаштагы Айгерим аттуу кыргызстандыктын мыкаачылык менен өлтүрүлүшү боюнча иликтөө жүргүзүп жатат.

Аял Москвадагы ооруканада пол жууп иштеген жана эки мекендеши менен эки бөлмөлүү батирди ижарага алган. Ал 8-майда байланышка чыкпай калган. 

Жоголгон аялдын эжеси 12-майда батирге барган, бирок шектүү эч нерсе байкаган эмес. Үй-бүлө 18-майда батирге кайтып келишкен. Тинтүү учурунда туугандары сөөктү дивандын буласынан табышкан. Кылмышкерлер жабырлануучуну желим баштыктарга ороп, скотч менен чаптап, диванга катып койгон.

Шектүү катары маркумдун 31 жаштагы кошунасы кармалды. Экинчи ижарачы, 30 жаштагы кыргызстандык жаран, 11-12-май аралыгында батирден шашылыш чыгып кеткен. Алдын ала тергөө маалыматтары боюнча, эркек киши Казакстанга качып кеткен.