Камчыбек Ташиев Бишкекке учуп келгени маалым болду
13-февралда таңкы саат 3төрдө Улуттук коопсуздук мамлекеттик комитетинин мурунку төрагасы Камчыбек Ташиев Бишкектеги "Манас" эл аралык аба майданына учуп келгени маалым болду. Журналист Айбек Бийбосунов Фейсбукка жарыялаган кыска видеодо Ташиевди үч киши тосуп алып, ак жол тандабас автомашинага отуруп кеткени көрүнөт. Ал түшкөн машинени дагы жол тандабастар коштоп, аба майданынан чыгып кетти.
