Илон Масктын байлыгы тарыхта биринчи жолу 500 млрд долларга жетти. 

Forbes маалымдагандай, Tesla жана SpaceX негиздөөчүсү Илон Масктын байлыгы тарыхта биринчи жолу 500 млрд долларга жетти. Бул көрсөткүч 1-октябрда катталды.

Жаңылыктын фонунда Tesla акциялары дээрлик 4% кымбаттап, Масктын капиталына дагы 9,3 млрд доллар кошулду.

Маск алгач 2021-жылы дүйнөдөгү эң бай адам наамын алып, Amazon негиздөөчүсү Жефф Безосту артта калтырган. Ошондон бери ал бир нече жолу лидерликти жоготуп, кайра кайтарып келген.

2024-жылы 400 млрд долларга жетип рекорд койгон Маск эми тарыхта биринчи «жарым триллионер» аталды. Эксперттердин баамында, эгер динамика сакталса, ал 2033-жылы алгачкы триллионер болушу мүмкүн (Forbes).