Бишкекте жерге мунапыс берүүнүн алкагында жер тилкелерин мыйзамдаштыруу иштери активдүү жүрүүдө.

Мэриядан маалымдашкандай, бүгүнкү күндө Свердлов районунда 83 жолу комиссиянын отуруму өткөрүлдү. Келип түшкөн арыздардын саны 5 671 болсо, 2083 токтом чыгарылган.

Октябрь районунда жер мунапысы башталгандан бери 210 жашоочуга жер тилкесин бекитип берүү боюнча чечим кабыл алынган. Келип түшкөн арыздардын саны 8 074, 42 жолу комиссиянын отуруму өткөрүлдү.

Кошумчалай кетсек, учурда жер мунапысына туш келген объекттер боюнча маалыматтарды текшерүү жана комиссиянын кароосуна даярдоо үчүн тактоо иштери уланууда.

Маалымат үчүн: Жерге мунапыс жарандарга жеке турак жай куруу үчүн берилген жер тилкелерин мыйзамдаштырууга багытталган жана тиешелүү документтерди белгиленген тартипте жол-жоболоштурууга мүмкүнчүлүк берет.