Блогерлер Арген Асанов менен Аружан Бекешева Баткенге бара жатып жол кырсыгына кабылышты. Бул тууралуу блогер өзү социалдык тармактагы баракчасында жазып, сүрөт менен бөлүштү.

"Аллага шүгүр, мындай машинадан тирүү калганыбызга",-деп билдирүү жазды Арген Асанов.

Белгилей кетсек, түгөйлөр буга чейин Баткен шаарында чай концерт өткөрүүнү пландап жатышканын билдиришкен.

Ал эми Баткен облустук жол кыймылын көзөмөлдөө башкармалыгынан жол кырсыгы 25-декабрда саат 12:30 чамасында катталганын ырастады.

"Ош-Баткен-Раззаков унаа жолунун 213-чакырымында Mercedes-Benz үлгүсүндөгү унаа Баткен шаарын көздөй бара жаткан. Айдоочу рулга ээ боло албай, машина ала салып кеткен", - дейт башкармалыктан.