Жашы жете элек балдар Хонда Фит унаасын уурдап, 40 миң сомго сатып жиберишкен

Алар унаа оңдоочу жайдын жанында токтоп турган унааны айдап, качып кетишкенин милиция билдирди. Бул фактынын негизинде Кылмыш-жаза кодексинин 211-беренеси (Автотранспорт каражатын уурдоо) боюнча кылмыш иши козголуп, шектүүлөр кармалды. Алар 2007-жылы туулган И.А. жана 2006-жылы туулган Б.Р. (мурда ар кандай кылмыштарды жасагандыгы үчүн соттолгон) болуп чыкты. Алар унааны Жалал-Абад облусуна алып барып, сатып жиберишкен.

Кармалган өспүрүмдөр убактылуу кармоочу жайга киргизилип, уурдалган унаанын дарегин тактоо жана мыйзамдуу ээсине кайтаруу максатында ыкчам-издөө иш-чаралары уланууда.