Бишкекте бала бакчанын имараты 80 сотых жери менен мамлекетке кайтарылды

Бишкекте бала бакчанын имараты мамлекетке кайтарылды. Бул тууралуу УКМКдан билдиришти.

Маалыматка караганда, №159 балдар бакчасынын имараты 80 сотых жери менен 1993-жылы менчиктештирлип кеткен.

"Анын ээси Ю.Ш.А. мүлккө ээлик кылуунун мыйзамсыздыгын түшүнүп, ыктыярдуу түрдө мамлекетке өткөрүп берген", — деп айтылат маалыматта.

Атайын кызмат жыл башынан бери алты бала бакча мамлекетке кайтарылганын кошумчалаган.