Баткен: базардан өрт чыгып, өспүрүм каза болду (видео)
Бүгүн, 6-августта Баткен облусунун Лейлек районунун Раззаков шаарында жайгашкан Мадамин базарынан өрт чыккан.
Өзгөчө кырдаалдар министрлигинен кабарлашкандай, тилсиз жоону өчүрүүгө саат 11:24тө куткаруу бөлүмү тартылган. Өрт саат 11:55те чектөөгө алынган.
Анын кесепетинен жабыркаган 16 жаштагы бала ооруканада каза болгон.
Өрттүн аянты 42 чарчы метр түздү, учурда келип чыгуу себеби такталууда.
